Ղեկավարվելով «Տեղական ինքնակառավարման մասին» Հայաստանի Հանրապետության օրենքի 18-րդ հոդվածի 1-ին մասի 42-րդ կետով, «Շրջակա միջավայրի վրա ազդեցության գնահատման և փորձաքննության մասին» Հայաստանի Հանրապետության օրենքի 16-րդ հոդվածի 3-րդ մասով, հիմք ընդունելով Հայաստանի Հանրապետության կառավարության 2014 թվականի նոյեմբերի 19-ի թիվ 1325-Ն որոշման 28-րդ կետը, հիմք ընդունելով Սյունիքի մարզի Տեղ համայնքի Տեղ բնակավայրում 2024 թվականի հոկտեմբերի 02-ին տեղի ունեցած՝ «Սյունիքի մարզի Տեղ համայնքի Տեղ և Խնածախ բնակավայրերի վարչական տարածքներում նախատեսվող դպրոցների նոր շենքերի կառուցման աշխատանքների շրջակա միջավայրի վրա ազդեցության նախնական գնահատման վերաբերյալ հանրային քննարկումների» արձանագրությունը, որոշման նախագծի կողմ-9, դեմ-0, ձեռնպահ-0, քվեարկության արդյունքներով, Համայնքի ավագանին որոշում է.
1․Տալ նախնական համաձայնություն Հայաստանի Հանրապետության տարածքային զարգացման հիմնադրամի պատվերով «ԳՈՐԵՐ» ՍՊԸ-ի կողմից ՀՀ Սյունիքի մարզի Տեղ համայնքի Տեղ բնակավայրում դպրոցական շենքի կառուցման աշխատանքներին:
2․Տալ նախնական համաձայնություն Հայաստանի Հանրապետության տարածքային զարգացման հիմնադրամի պատվերով «Գորիսի Էներգոցանցշին» ԲԲԸ-ի կողմից ՀՀ Սյունիքի մարզի Տեղ համայնքի Խնածախ բնակավայրում դպրոցական շենքի կառուցման աշխատանքներին:
3. Սույն որոշումն ուժի մեջ է մտնում պաշտոնական հրապարակմանը հաջորդող օրվանից: