Ղեկավարվելով «Տեղական ինքնակառավարման մասին» օրենքի 35-րդ հոդվածի 1-ին մասի 24-րդ կետի, Հայաստանի Հանրապետության կառավարության 2011 թվականի դեկտեմբերի 29-ի «Հայաստանի Հանրապետության համայնքների (բնակավայրերի) գլխավոր հատակագծերի, համակցված տարածական պլանավորման փաստաթղթերի և բնակավայրերի տարածքների գոտևորման նախագծերի մշակման, փորձաքննության, համաձայնեցման, հաստատման և փոփոխման կարգը հաստատելու և Հայաստանի Հանրապետության կառավարության 2003 թվականի մայիսի 2-ի N 609-Ն, 2010 թվականի մարտի 4-ի N 208-Ն ու Հայաստանի Հանրապետության կառավարության 2001 թվականի մայիսի 14-ի N 408 որոշումներն ուժը կորցրած ճանաչելու մասին» N 1920-Ն որոշմամբ հաստատված կարգի 24-րդ կետի 3-րդ ենթակետի և հաշվի առնելով Սուրեն Ամարյանի դիմումը, որոշում եմ``

1.Հայաստանի Հանրապետության Սյունիքի մարզի Տեղ համայնքի Կոռնիձոր բնակավայրի 5-րդ փողոց, թիվ 10 հասցեում գտնվող 09-052-0024-0007 կադաստրային ծածկագրով 0.0663 հա մակերեսով  «Բնակավայրերի» նպատակային նշանակության «հասարակական կառուցապատման» գործառնական նշանակությունը փոխել «բնակելի կառուցապատման» գործառնական նշանակության հողամասի:

2.Նշված հողատարածքը հանել բնակավայրերի նշանակության «հասարակական կառուցապատման» հողերի հաշվեկշռից և ընդգրկել «բնակելի կառուցապատման» հողերի հաշվեկշռում:

3․Հայաստանի Հանրապետության Սյունիքի մարզի Տեղ համայնքի Կոռնիձոր բնակավայրի 5-րդ փողոց, թիվ 10 հասցեում գտնվող Սուրեն Ամարյանին սեփականության իրավունքով պատկանող 94,4 քմ մակերեսով կենցաղի տան գործառնական նշանակությունը փոխել որպես բնակելի տուն։

4.Աշխատակազմի քարտուղարի պարտականություններ կատարողին՝ ապահովել սույն որոշմամբ սահմանված գործառույթների իրականացումը:

5․ Սույն որոշումն ուժի մեջ է մտնում պաշտոնական հրապարակման հաջորդող օրվանից։