Ղեկավարվելով «Նորմատիվ իրավական ակտերի մասին» Հայաստանի Հանրապետության օրենքի 33-րդ և 34-րդ հոդվածներով և «Տեղական ինքնակառավարման մասին» Հայաստանի Հանրապետության օրենքի 35-րդ հոդվածի 1-ին մասի 24-րդ կետով, որոշում եմ.
1.Հայաստանի Հանրապետության Սյունիքի մարզի Տեղ համայնքի ղեկավարի 2023 թվականի դեկտեմբերի 20-ի N 258-Ա որոշման մեջ կատարել փոփոխություններ և լրացումներ՝
1.1. Որոշման հիմքը խմբագրել նոր բովանդակությամբ․
<<Համաձայն «Տեղական ինքնակառավարման մասին» ՀՀ օրենքի 35-րդ հոդվածի 1-ին մասի 24-րդ կետի և Հայաստանի Հանրապետության կառավարության 2011 թվականի դեկտեմբերի 29-ի «Հայաստանի Հանրապետության համայնքների (բնակավայրերի) գլխավոր հատակագծերի և համակցված տարածական պլանավորման փաստաթղթերի մշակման, փորձաքննության, համաձայնեցման, հաստատման ու փոփոխման կարգը հաստատելու և Հայաստանի Հանրապետության կառավարության 2003 թվականի մայիսի 2-ի N 609-Ն ու 2010 թվականի մարտի 4-ի N 208-Ն որոշումները ուժը կորցրած ճանաչելու մասին» N 1920-Ն որոշմամբ հաստատված կարգի 24-րդ կետի 3-րդ ենթակետի>>, որոշում եմ`
2.Հայաստանի Հանրապետության Սյունիքի մարզի Տեղ համայնքի Տեղ գյուղի 35-րդ փողոցի թիվ 4 հասցեում գտնվող 09-101-0052-0004 կադաստրային ծածկագրով 0.869 հա մակերեսով <<Արդյունաբերության, ընդերքօգտագործման և այլ արտադրական նշանակության>> նպատակային նշանակության արդյունաբերական հողատարածքի գործառնական նշանակությունը փոխել <<Գյուղատնտեսական արտադրական օբյեկտների>> գործառնական նշանակության հողամասի:
3.Նշված հողատարածքը հանել արդյունաբերության, ընդերքօգտագործման և այլ արտադրական նշանակության արտադրական հողերի հաշվեկշռից և ընդգրկել <<գյուղատնտեսական արտադրական օբյեկտների>> հողերի հաշվեկշռում:
4.Աշխատակազմի քարտուղարին՝ ապահովել սույն որոշմամբ սահմանված գործառույթների իրականացումը:
5.Սույն որոշումն ուժի մեջ է մտնում պաշտոնական հրապարակման հաջորդող օրվանից։