Սույն թվականի նոյեմբերի 1-ին Տեղ համայնքապետարանի վարչական շենքի նիստերի դահլիճում կայացավ Տեղ համայնքի նորընտիր ավագանու առաջին նիստը, որին մասնակցում էր ավագանու բոլոր 15 անդամները:

Օրակարգում.

1. ՀՀ Սյունիքի մարզի Տեղ համայնքի ղեկավարի պաշտոնի ստանձնման երդման արարողություն
2. ՀՀ Սյունիքի մարզի Տեղ համայնքի նորընտիր ավագանու խմբակցությունների ստեղծման մասին,
3. ՀՀ Սյունիքի մարզի Տեղ համայնքի ավագանու հերթական նիստի գումարման օրը սահմանելու մասին:

Նիստը վարում էր համայնքի ավագանու տարիքով ավագ անդամ Նազիկ Բաղդասարյանը, որն էլ հայտարարեց, որ «Ընտրական օրենսգիրք» սահմանադրական օրենքի 142.2.-րդ հոդվածի  2-րդ մասի համաձայն՝  օրենքի ուժով Հայաստանի Հանրապետության Սյունիքի մարզի Տեղ համայնքի ղեկավար է ընտրվել «Քաղաքացիական պայմանագիր» կուսակցության ընտրական ցուցակի առաջին համարը՝ Դավիթ Արամայիսի Ղուլունցը: Այնուհետև կայացավ Դավիթ Ղուլունցի կողմից համայնքի ղեկավարի պաշտոնի ստանձնման երդման արարողություն, որից հետո նիստը վարեց համայնքի ղեկավար Դավիթ Ղուլունցը:

Օրակարգի հարցերի վերաբերյալ ավագանին ընդունեց համապատասխան որոշումներ:

Ավագանու նիստի ընթացքին առավել մանրամասն կարող եք ծանոթանալ հետևյալ հղումով՝

https://youtube.com/playlist?list=PLdDmX3C-vbHqaPGVgsfLzh5VoDizQ8sMM