«Տեղ համայնքի կոմունալ սպասարկում և բարեկարգում» համայնքային ոչ առևտրային կազմակերպության տեխնիկան Խոզնավարում էր: Մի քանի օրվա ընթացքում մաքրվեցին գյուղի սելավատորները, եկեղեցու շրջակայքում կուտակված գոմաղբը հեռեցվեց տարածքից: Բնակիչները մի շարք առաջարկներով դիմեցին, որոնք նույնպես լուծում գտան: Գերեզմաններ տանող ճանապարհը բարեկարգվեց, իսկ գյուղամիջյանը՝ հարթեցվեց: Մոտ օրերս աշխատանքներ կսկսվեն Գորիս տանող ճանապարհի վրա:

Տեղ համայնքում թեև վերջերս է բացվել երկրագիտական թանգարանը, սակայն կարողանում է արդեն ներկայանալ հանրությանը: Հարյուրավոր ցուցանմուշները պատմում են դարերի խորքում ծվարած համայնքի առօրյայի, մշակութային արժեքների, նաև գյուղի բարքերի մասին: Համայնքապետարանի, թանգարանի աշխատակից Հարութ Դավթյանի շնորհիվ այն համալրվել է նոր ցուցանմուշներով: Ամենօրյա սրտացավ աշխատանքի արդյունքում թանգարանը նոր տեսք է ստանում:

Տեղ համայքի Խնածախ բնակավայրի տղաները վոլեյբոլի մրցույթում հաղթելով բոլոր մրցակիցներին, գրանցեցին փայլուն հաղթանակ՝ գրավելով առաջին հորիզոնականը Սյունիքի մարզում: Շուտով նրանք իրենց ուժերը կչափեն դպրոցահասակների տարիքային խմբում Հայաստանի այլ մարզերի թիմերի հետ: Հաջորդ հանդիպումը տեղի կունենա մոտ օրերս, Սիսիան քաղաքում: