Ղեկավարվելով <<Տեղական ինքնակառավարման մասին>> ՀՀ օրենքի 18-րդ հոդվածի 1-ին մասի 21-րդ կետով, ՀՀ հողային օրենսգրքի 67-րդ հոդվածով, համաձայն Հայաստանի Հանրապետության կառավարության 2001թ. ապրիլի 12-ի N286, 2003թ. դեկտեմբերի 24-ի N1746-Ն որոշումների և Տեղ համայնքի ղեկավարի առաջարկությանը, որոշման նախագծի քվեարկության կողմ_6, դեմ_0, ձեռնպահ_0 արդյունքներով` Հայաստանի Հանրապետության Սյունիքի մարզի Տեղ համայնքի ավագանին որոշում է.

1. Հայաստանի Հանրապետության Սյունիքի մարզի Տեղ համայնքի վարչական սահմաններում գտնվող, համայնքային սեփականություն հանդիսացող, էներգետիկայի, տրանսպորտի, կապի և կոմունալ ենթակառուցվածքների օբյեկտների <<կապի օբյեկտների հողեր>> գործառնական նշանակության հողամասերից բջջային կապի կայանի շինարարության նպատակով, մեկ քառակուսի մետրը 1500/հազար հինգ հարյուր/ ՀՀ դրամ մեկնարկային գնով, աճուրդ-վաճառքով օտարել 0.05127 հա հողամասեր, այդ թվում՝

1) Խնածախ գյուղի 10-րդ փողոց թիվ 1 հասցեում գտնվող 0,03 հա հողամասը (կադաստրային ծածկագիր՝ 09-044-0112-0678).

2) Խոզնավար գյուղի 5-րդ փողոց թիվ 1 հասցեում գտնվող 0,02157 հահողամասը (կադաստրային ծածկագիր՝ 09-046-0128-0018):

2. Հայաստանի Հանրապետության Սյունիքի մարզի Տեղ համայնքի ղեկավարին` ապահովել սույն որոշումից բխող անհրաժեշտ գործառույթների իրականացումը: