Ղեկավարվելով <<Իրավական ակտերի մասին>> Հայաստանի Հանրապետության օրենքի 20-րդ հոդվածի 1-ին կետով, <<Տեղական ինքնակառավարման մասին>> Հայաստանի Հանրապետության օրենքի 18-րդ հոդվածի 31-րդ կետով, Հայաստանի Հանրապետության Հողային օրենսգրքի 3-րդ հոդվածի 1-ին կետով և համաձայն Հայաստանի Հանրապետության կառավարության 2011 թվականի դեկտեմբերի 29-ի <<Հողերի օգտագործման ժամանակավոր սխեմաներ կազմելու կարգը հաստատելու մասին և Հայաստանի Հանրապետության կառավարության 2001 թվականի հունվարի 17-ի N30 որոշումն ուժը կորցրած ճանաչելու մասին>> N1918-Ն որոշման և հողերի օգտագործման ժամանակավոր սխեմաների համաձայնեցման միջգերատեսչական հանձնաժողովի 2017 թվականի հունվարի 9-ի N 3 եզրակացության, որոշման նախագծի քվեարկության արդյունքներով` կողմ-10, դեմ-0, ձեռնպահ- 0, համայնքի ավագանին ո ր ո շ ու մ է.

1. Հայաստանի Հանրապետության Սյունիքի մարզի Տեղ համայնքի Խնածախ, Վաղատուր, Տեղ և Կորնիձոր բնակավայրերի հողերի օգտագործման ժամանակավոր սխեմաներում, համաձայն հավելվածի, համայնքային սեփականություն համարվող.

1) Բնակավայրերի այլ հողերից 0,022 հեկտար /կադաստրային ծածկագրեր՝ 09-101-0052-0006, 09-052-0024-0004/ հողամասը.

2) Գյուղատնտեսական նշանակության հողերից 0,05 հեկտար, որից 0,02 հեկտար /կադաստրային ծածկագիր՝ 09-090-0106-0284/ արոտավայր և 0,03 հեկտար /կադաստրային ծածկագիր՝ 09-044-0112-0001/ այլ հողատեսքը, փոխադրել Էներգետիկայի, կապի, տրանսպորտի և կոմունալ ենթակառուցվածքների օբյեկտների հողերի կատեգորիա` <<կապի օբյեկտների հողեր>> գործառնական նշանակությամբ՝ բջջային կապի կայանների շահագործման համար:

2. Հայաստանի Հանրապետության Սյունիքի մարզի Տեղ համայնքի ղեկավարին՝ ձեռնարկել սույն որոշումից բխող անհրաժեշտ գործառույթների իրականացումը: