Ղեկավարվելով «Տեղական ինքնակառավարման մասին» օրենքի 36-րդ հոդվածի 1-ին մասի 6-րդ կետով, Հայաստանի Հանրապետության քաղաքացիական օրենսգրքի 43-րդ հոդվածով, Հայաստանի Հանրապետության կառավարության 2016 թվականի հունիսի 2-ի N631-Ն որոշման պահանջներով, հիմք ընդունելով քաղաքացի Աստղիկ Թարանյանի դիմումը և Վարդան Հմայակի Վարդանյանի համաձայնությունը, հաշվի առնելով այն հանգամանքը, որ քաղաքացի Վարդան Հմայակի Վարդանյանը վատառողջ լինելու պատճառով չի կարող ինքնուրույն իրականացնել ու պաշտպանել իր իրավունքներն ու կատարել պարտականությունները, ինչպես նաև Տեղ համայնքի խնամակալության և հոգաբարձության հանձնաժողովի 2022 թվականի սեպտեմբերի 23-ի թիվ 1 նիստի արձանագրությունը՝ որոշում եմ.

1. ՀՀ Սյունիքի մարզի Տեղ համայնքի Տեղ գյուղի Արցախի խճուղի թիվ 28 հասցեի բնակիչ Վարդան Հմայակի Վարդանյանի (ծնված` 01.01.1958թ.) նկատմամբ սահմանել պատրոնաժ և պատրոն (օգնական) նշանակել նրա կնոջը՝ Աստղիկ Արտավազդի Թարանյանին (ծնված` 03.09.1961թ.):

2. Սույն որոշումն ուժի մեջ է մտնում ընդունմանը հաջորդող օրվանից: