Ղեկավարվելով «Տեղական ինքնակառավարման մասին» Հայաստանի Հանրապետության օրենքի 18-րդ հոդվածի 1-ին մասի 21-րդ կետի պահանջներով, հիմք ընդունելով  Հայաստանի Հանրապետության Քաղաքացիական օրենսգրքի  466-րդ, 468-րդ  և 469-րդ հոդվածները և  նկատի ունենալով <<Սերգեյ-Դավիթ>> սահմանափակ պատասխանատվությամբ ընկերության տնօրեն Կարինե Մինասյանի 2024թվականի մարտի 1-ին Հայաստանի Հանրապետության Սյունիքի մարզի Տեղ համայնքի (այսուհետ Համայնք)  ղեկավարին ուղղված դիմումը և համայնքի ղեկավարի առաջարկությունը, որոշման նախագծի կողմ-9, դեմ-0, ձեռնպահ-0, քվեարկության արդյունքներով, Համայնքի ավագանին որոշում է.

1.Տալ համաձայնություն Հայաստանի Հանրապետության  Սյունիքի մարզի Տեղի համայնքապետարանի և <<Սերգեյ-Դավիթ>> սահմանափակ պատասխանատվությամբ ընկերության միջև 2010 թվականի փետրվարի 19-ին կնքված (գրանցված` Գորիս նոտարական տարածքի նոտարի սեղանամատյանում N 270)  համայնքային սեփականություն հանդիսացող հողամասի վարձակալության պայմանագրում՝  կողմերի համաձայնությամբ «38,909 (երեսունութ ամբողջ ինը հարյուր ինը հազարերորդական) հա»  թիվը և բառերը փոխարինել «19,9853 (տասնինը ամբողջ ինը հազար ութ հարյուր հիսուներեք տասհազարերորդական) հա» թվով և բառերով:

2.Առաջարկել Համայնքի ղեկավարին՝ ձեռնարկել սույն որոշումից բխող անհրաժեշտ գործառույթներ։

3.Սույն որոշումն ուժի մեջ է մտնում պաշտոնական հրապարակմանը հաջորդող օրվանից։