Ծրագրով նախատեսվում է կառուցել կապտաժային կառույցներ Ø150մմ տրամագծի դրենաժային խողովակներով: Դրենաժային խողովակների հետնամասում տեղադրվում է բետոնե հենապատ, որը ամրաններով ամրացվում է տեղի արմատական ապարներին: Կապտաժային կառույցների սանիտարական գոտին նախատեսվում է ցանկապատել 1.7մ բարձրությամբ փշալարով՝ անասունների մուտքը սանիտարական գոտի կանխելու համար: Կապտաժային կառույցներից ջուր տրվելու է սանիտարական գոտու տարածքում նախատեսվող բետոնե ջրընդունիչ հորը, որտեղից էլ 110x6.6մմ տրամագծի 2042մ և 63x3.8մմ տրամագծի 6702մ երկարությամբ  ջրատարով ջուրը ինքնահոս տրվելու է Խնածախ բնակավայրի գոյություն ունեցող 50մ3 ծավալով ՕԿՋ-ին: Ջրատարը հատվում է սելավատարի հետ Նկ 21+95.4 ÷ Նկ 22+14 հատվածում, որտեղ ջրատարը նախատեսվում է իրականացնել թռիչքաձև՝ անցկացնելով 219x7մմ տրամագծի պողպատե խողովակի միջով: Մետաղական 219x7մմ խողովակի եզրային հատվածներում իրականացվելու են բետոնե օձիքներ 1.4x0.6x0.3մ չափերի: Թռիչքային հատվածը նախատեսվում է ջերմամեկուսացնել պենոպորիստիրոլե 5սմ հաստությամբ կիսախողովակներով:

Ջրատարի նորմալ շահագործման համար նախատեսվում է տեղադրել 4 մարիչ, 10 դատարկման, 10 օդահան և երկու կարգավորման պոլիմերավազային և մետաղական հորեր:

Ջրատարի վրա տեղադրվում է երկու 24մ երկարությամբ խմոցներ Վաղատուր և Խնածախ բնակավայրերի ջրատարի հարակից արոտավայրերի ջրարբիացման համար:

  Միկրոծրագրի վերաբերյալ առաջարկություններ և դիտողություններ ունենալու դեպքում մինչև 2020թվականի հոկտեմբերի 22-ը կարող եք դիմել Տեղի համայնքապետարան (հասցեն՝ գ. Տեղ փողոց 35 թիվ 2, էլ. փոստ՝ tegh101@mail.ru ) կամ համայնքի բնակավայրերի վարչական ղեկավարներին: