Ղեկավարվելով <<Համայնքային ծառայության մասին>> օրենքի 19-րդ հոդվածով և հիմք ընդունելով Հայաստանի Հանրապետության տարածքային կառավարման համակարգող նախարարի 2006 թվականի սեպտեմբերի 11-ի <<Համայնքային ծառայողների ատեստավորման կարգը սահմանելու մասին>> թիվ 15-Ն հրամանը, որոշում եմ.
1. Հայաստանի Հանրապետության Սյունիքի մարզի Տեղի համայնքապետարանի աշխատակազմի քարտուղար (ծածկագիր՝ 1.2-1) Արտակ Բաղդագյուլյանի, աշխատակազմի գլխավոր մասնագետ-հաշվապահ (ծածկագիր՝ 2.3-1) Սուսաննա Ալավերդյանի և աշխատակազմի 2-րդ կարգի մասնագետ (ծածկագիր՝ 3.3-3) Արշալույս Ավետիսյանի հերթական ատեստավորման օր նշանակել 2020 թվականի փետրվարի 21-ին ժամը 13:00-ին:
2. Ատեստավորման հանձնաժողովի աշխատանքների տեխնիկական սպասարկումն իրականացնելու համար լիազորված անձ նշանակել Տեղի համայնքապետարանի օպերատոր Լուսինե Մկրտչյանին:
3. Աշխատակազմի քարտուղարին` ապահովել սույն որոշումից բխող գործառույթների իրականացումը: