Ղեկավարվելով Հայաստանի Հանրապետության Քաղաքացիական օրենսգրքի 188-րդ հոդվածով, <<Տեղական ինքնակառավարման մասին>> Հայաստանի Հանրապետության օրենքի 35-րդ հոդվածի 1-ին մասի 24-րդ կետով, Հայաստանի Հանրապետության կառավարության 2006թվականի մայիսի 18-ի թիվ 912-Ն որոշմամբ և հաշվի առնելով Ալիկ Հովակիմյանի 2021թվականի մարտի 11-ի դիմումը, որոշում եմ.

1. Հայաստանի Հանրապետության Սյունիքի մարզի Տեղ համայնքի Խնածախ գյուղի 8-րդ փողոց թիվ 36 հասցեում գտնվող Ալեքսան Յաշայի Հովակիմյանին, Սուսաննա Մուշեղի Հովակիմյանին, Ասյա Ծատուրի Հովակիմյանին, Ալիկ Ալեքսանի Հովակիմյանին, Անժելա Ալեքսանի Հովակիմյանին և Ասյա Ալեքսանի Հովակիմյանին ընդհանուր բաժնային սեփականության իրավունքով պատկանող 0,02926 հա բնակավայրերի հողերի կատեգորիա <<բնակելի կառուցապատման հողեր>> գործառնական նշանակության հողամասում (ծածկագիր 09-044-0062-0013) 220,2 քմ ընդհանուր մակերեսով (բնակելի տուն` 212,8 քմ, սանհանգույց՝ 7,4 քմ), ինքնակամ կառուցված շինությունները, որի պահպանումը չի խախտում այլ անձանց իրավունքներն և օրենքով պահպանվող շահերը կամ վտանգ չի սպառնում քաղաքացիների կյանքին ու առողջությանը, որը կառուցված չէ քաղաքաշինական նորմերի ու կանոնների էական խախտումներով, չի առաջացնում հարկադիր սերվիտուտ պահանջելու իրավունք, ճանաչել օրինական:

2. Համաձայն Հայաստանի Հանրապետության կառավարության 2006 թվականի մայիսի 18-ի N912-Ն որոշմամբ հաստատված կարգի 22.1 կետի՝ քաղաքացիներին սեփականության իրավունքով պատկանող տնամերձ, այգեգործական կամ անհատական բնակելի տան կառուցման և սպասարկման համար հատկացված հողամասերում (բացառությամբ Երևան քաղաքում գտնվող հողամասերի) մինչև 2001 թվականի մայիսի 15-ը ինքնակամ կառուցված բնակելի նշանակության (այդ թվում` նաև տնտեսական և օժանդակ) շենքերը, շինություններն օրինական ճանաչվելու դեպքում սույն կարգի 13-րդ կետի «ա» և «բ» ենթակետերով, 18-րդ կետի «ա» ենթակետով, ինչպես նաև 22-րդ կետի «ա» և «բ» ենթակետերով նախատեսված վճարները չեն գանձվում:

3. Սույն որոշումից ծագող իրավունքը ենթակա է պետական գրանցման ՀՀ Կադաստրի կոմիտեի համապատասխան ստորաբաժանումում: